《心領》

禽日係我第三次幫 kenix 姐姐錄 demo，係第三次呀！

話說禽日比界王神阿興昆左我番十點半學，點知原來係九點半，蝦條！(上次係比 gap人王大佬昆o既！) 所以都唔知番黎做乜，3-dom 勁過飯又話 canceled，三點o個堂 great economist 又上唔到，所以要留o係campus 度 hea 足幾粒鐘，磋跎我寶貴o既青春。

hea 都咁上下就去 kenix 度。頂，我又搭錯地鐵囉，搭左荃灣線去左尖咀！不過都準時到達 (please be noted that 「準時 + 15 mins = 準時」)。

嘿嘿，果然不出我所料，詞係未齊o既，不過係作詞認真o既表現姐。根據我地o既大作曲家指出，呢首歌要唱得好 soft，所以我都冇開聲o既必要。

之後我地開始錄 confirm 左詞o既部份先。係我一黎料就知唱唔到啦！假音不嬲都係我的最廢，真假音 d 轉接我完全 handle 唔黎，食晒屎咁。結果又係要降 key ......

由於「末期語癌」o既原故，我除左比人明寸、暗寸、恥笑同唱衰之外，亦大大延長左錄時間，搞到o個個自稱之前只係訓左兩個鐘o既隱蔽青年都頂唔順要訓番陣，我自己o係度練。

練到自以為ok可以開始，點知原來我係冇個音岩架囉！幾 frustrated 呀當時。為左輔導我，隱蔽青年o既方法層出不窮，又plot graph又剩，但都好似無濟於事。

最後受著語癌同走音o既雙管煎熬底下，總算完成 demo，是為《心領》。

臨走前聽左小船同我錄埋同一埋o既 demo，嘩 ~ 蝎魔滋 ~ 叫晒囉我，繞「梁」三日添呀！我對妳音敬越來越長呀~ 船~~ ^3^

原來樓下係有通宵「頭文字 van」番旺角架喎，超方便，我番到旺角都只係兩點幾，我仲o係旺角食左個牛雜面同吹左支可樂先番屋企 (冇食 dinner呢 ~ 我空肚但有型，唱出真深情)，超過癮。

其實呢次唱 demo o既錯敗感係最大o既一次，不過我會天天努力。

p.s. 我o係隱蔽青年度發現左 d gap 到震o既面包，命名為「ICQ 面包」，傳說食左會 on 唔到 line。

NVDA and Will My Teeth

今日第一次正式參與 greenpiss o既 NVDA (非暴力直接行動) ，我o既工作係先混入中電古東大會會場，o係我地 banner 人拉出banner 的同時，襯機派發 greenpiss 自製用黎唱衰中電o既 report 比在場o既升斗巿民古東。

一入到去就見到全場九成o既人都係阿叔阿伯，都唔知佢地去黎做乜。

大會一開始菲律賓 campaigner 呀 red 就企起身講野，followed by other representatives from various countries. d 古東開始唔好老脾。

最後弱智恆 henry 同 自稱「梁朝米」o既阿米拉出banners，超型 ! 但係 d 在場開始民怨四起，有d仆街仲鬧我地係仆街添，係真冇文化呀d 香港耆英 !!!!

今次動活我只係二打六，唉，殺雞豈用牛刀呢?

之後同界王神黎 campus check teeth同洗 teeth，個女 dentist 話我有蚊 teeth 同 wisdom teeth，要補同要做手術，respectively。

唉。

死鬼佬

越黎越憎 cornish，成日要人做埋d on9 野，我地都快 grad，佢仲o係度玩野！

超想打爆佢個頭！

will my quiet life

一個星期通左兩晚頂，嘿嘿 ..... 真係叻仔。

睇完 "tuesdays with morrie"，覺得呢本 international best sellor 都係麻麻地，可能化文差異大呱，硬係覺得幾悶咁，不過 mitch 之後寫o個本 "5 people u meet in the heaven" 諗番都覺得正到爆，係人都應該要睇，由其係 5th person。

而家又開始新一本休閑書，以前都唔知自己係咁喜愛學習。最新學到o既就係 "don"t criticize, condemn or complain."

呢幾日都冇o係屋企唱歌，要休息，o係咁食d 潤喉o既野。只在邊聽邊感受邊開習。

另外，我o係度只想真心真意的說出：
阿船，我真係好「音敬」妳架！ (雖然妳話對我冇性幻想令我想喊 ...... )

^3^

who fucking cares ?

禽日又上左 kenix 度錄第二首o既 demo，U-Sing 超勁 winner kerin 都有黎，因為佢好似重有一小段未錄好。

由於等歌都等左好耐，我o係o個度 hea 左幾粒鐘先開始錄，不過唔緊要，「工作室」的環境好舒服，又有「波羅油王子」睇！ xddddd

kerin把聲真係勁雄厚囉，近距離現場感受到。

由於錄 demo 要一定o既時間，我地又 hea 下 hea 下，又支力，所以要到今朝七點先正式錄好，錄通頂，勁 !!!! 不過就輪到 kerin 錄，要佢成晚得我錄，真係唔好意思，不過最慘都係幫我地錄o既 kenix，辛苦晒！

今次聽左好多其它人o既 demo 同 music trace，唔錯唔錯。

首歌呢，有個位對我黎講好高音，我要大叫先 reach 到，叫左三四十次都唱得唔好，勁灰，自怪天生低音囉。而家個喉嚨雖然唔疼，但 feel 到佢好支力，完全 loss control，雖要時間 recover 呢。

八點幾番到屋企，但係未有得訓，因為今日係交 dissertation o既大日子，由於我一早搞點得九九十十，只差少少野未 finalize，所以先咁得閒去唱 demo。一諗起o係其它同學通頂死沖爛沖份 fyp 同 disserto既同時我就通頂唱歌時，就覺得好笑。

不過我份 ecology of babblers 都唔慌高分，但係 ....... who fucking cares ?

ostracism

今日阿船講起報紙，我心中一算，發覺自己都成個月冇睇過報紙同新聞報導。
唉，隨時布殊死左我都唔知 ......

而家一味睇小說、聽歌、唱歌、做 dissert、做義工。生活簡簡單單，好過番學上堂。還不錯呢。

不過就黎想番都冇得番 lu。

life's like this.

心癢

i've already earned very very very much ........ >_<


共伴著看夜場
全程營幕細賞
對白令你歡唱

無需去理會劇情
雷霆萬鈞因果反應
這一刻我只想你開心
已經心領

剩下熱吻過後
完埸時劃過幻想
像妳已經倒戈相向
妳跟我各自離場
才明白妳已不再想
星雨下我在醉心自彈自唱
過份痛傷 只好妄想

從這天起 說對不起
沒妳怎算完美
仍愛不起妳
巴不得妳
不能同行也可 別說分離
和妳一起 逗妳歡喜
就當寵愛自己
原諒我沒法逃避
從前回憶的影照裡 嬉戲
(迷人黃昏的映照裡 想妳)

白日夢裡逗留
童謠曾為妳響
撲鼻是妳香氣

瞳孔裡輕輕演奏
是妳這初生的天使
柔細的 敏感的 讓我熱愛不釋手

在月夜裡逗留
纏綿時讓我成長
用妳兩手深深滋養
縱使愛已是盡頭
從前稚氣已給抹走
牽引著我這生原來是妳
到下世紀都想你知

從此抱著妳 寫進日記
從大家初相識已記起
再沒有可能 因此放棄妳若開口便有轉機

demo

禽日上 kenix 個充滿藝術feel同零亂美(haha) o既「工作室」為佢o既作品唱demo錄音，極度超級無敵好玩到震，好耐冇感受過咁新鮮、咁有趣、咁開心o既事lu。

之前o個晚o係度鬥d歌詞鬥左好耐，第一次填詞都幾吃力，好彩有阿妹幫手。

去到 kenix 度首先唱k開聲(古巨基首勁歌金曲真係開聲好工具囉)，然後同佢一齊finalize埋最後歌詞o既version，雖然好似全部都係佢contribute，我冇乜建樹，但係過程超搞笑，咩cosplay女郎同大貨車馬木車，XDDDD......

我都唔記得左幾點先真正開波，d instrumnet真係勁pro，戴住headphone，對住塊網唱，又即時聽到自己唱，勁好feel，正到忍唔住笑!!!!

是次錄音都錄左相當耐，原因有:
1. 第一次，冇經驗
2. 嚴重閱讀障礙
3. 廣東話咬字困難 (=懶音)
4. 拍子白痴

好多時顧得咬字又顧唔到拍子，不時都幾灰，不過起碼而家知道自己衰乜，係今次o既得着之一，老土d講得到寶貴o既經驗，又開始感受到何為「丹田」(kenix 一講我就明囉，之前d粉腸都唔係咪真係知o既，講極我都 get 唔到；真係響好多架喎，又唔傷喉嚨)，真係學左好多野，而最緊要梗係結識到一個好搞笑o既 friend 啦。

wow ~ 真係好開心o既一日。

自欺

就在末世夢遊
童謠亦為妳響
在夢魘裏走過
晨光裏笑著漫遊
叢林內天真的小鳥
在竭息，但有些，在歎息再不自由

在月下裏逗留
全人類患了狂想
像惡魔般倒弋相向
縱使愛己是盡頭
靈魂霧裡雪中顫抖
星雨下各自醉心自彈自唱
放下痛傷星空妄想

從這天起，說對不起
便每天愛着妳 (我愛的永是妳)
仍愛得起妳
巴不得妳
疏離隨(同)時亦會視作分離
和妳一起，逗妳喜歡
就當寵愛自己 (亦免不了自欺)
凝聚韻味舊國土 (仍為妳在這國土)
從前回憶的影照更鼓舞 (迷人黃昏的映照裏苦(淺)笑)

剩下熱吻過後
迷離凝望雨窗
再亦沒法補救
微風吹拂中分手
眉頭上憂鬱的苦笑
在那些，落泊的，木馬車，困身傷口

陌路但卻邂逅
纏綿時獨我成長
用妳冷冰的心滋養
碰到妳也沒回頭
唇上稚氣已給抹走
牽引著妳共我這生無限次
到下世紀都想妳知

從此抱着妳
寫進日記
從大家相識初便記起
再沒有可能因此放棄
若愛能自然視作一起

Will My Singing

我第一次參加o既歌唱比賽 - U Sing - 終於完結，咁當然係輸啦，even有個超強勁o既 partner 阿旋。一黎自己唔係好掂 (being a burden)，二黎對手太強喇，旋o個兩個friends勁到嘔電，又有d 咩 onions 同 at 21，痴Q線。

anyway，竟然有意外收獲 ...... 嗯嗯。

簡直係我偶像

RESULT

2005 U-sing 歌唱比賽初賽已經於四月一日完滿結束，入圍的獨唱及合唱組別名單如下:(排名不分先後)獨唱組:組合: 參賽歌曲:Wong Chun Yin 愛很簡單Hui Ying 昨天Ng Ho Leung 自作自受Leung Man Kuen 偶像Wong Pak Ho 不要對他說Leung Ka Ling 北斗星Edwin Choi 霧之戀Levin Wong BlessingMa Chi Chung 單車Lee Chi Hong 傷追人 合唱組:組合: 參賽歌曲:神秘隊(Ng Ho Leung, Lau Tsz Man, Yvonne) 刻不容緩Leung Ka Ling, Wong Pak Ho 只能抱著你 At 21 (Victor Lau, Ho Shing Wai, Germaine Ko, 我願意Kate Lee, Kel Lee)Leung Ching Chung, Wong Pui Suen 他都不愛我Onions Yesterday 入選的參賽者將獲專人通知，決賽將於四月七日於黃麗松講堂舉行，門票已於李志雄紀念堂有售，多謝各位支持。

收皮

禽日大佬同我講今日十點半堂，咁我咪十點半番到 campus 囉，點知原來九點半堂，番到黎都己經上完堂，大佬話佢話「可能十點半堂」喎，我頂佢個肺 ~

今日第二輪初賽，我地如常去左方樹泉練歌。三點半之輪到我地，有排等。

三點半去到 CYM 101，佢地話我地係第一組，但個評判抄車所以遲到 (不過好彩個人冇事)，真係好事多磨。

等到成四點三個評判先黎，係一個男仔頭，好高好型好靚 !!!! 音樂人果然係唔同d ~

因為有一組好趕時間，所以我地讓比佢地先。佢地係一男一女既組合，男O個個勁到嘔電，係唱得超級好O個隻，想唔入決賽到唔得。可以話係大開耳戒。

先後就係我同大佬，我地首「藍雨」就被比下去了，同人地差幾皮，大佬走左少少音，我又覺得自己唱得好差 (因為我好驚好緊張)，唱時又唔敢望個評判 (因為怕羞呱 xddddd )。唱到咁上下都知自己衰梗，氣數已盡。

不停同自己講：「咁廢你學咩人比賽丫~ 收皮啦你 ......」