過日子

今朝晨早屋企已經好熱鬧，因為阿妹叫在好多女同學黎，超多幼齒，搞到間屋陰氣極重，我完全訓唔到。於是起身上陣網。

之後出旺角睇12點半既《不死狗》，係我既超級偶像李連杰做主角喎，點會唔睇呢！出戲好覺得好好睇，唔係因為打得勁，係因為會故仔好，個黑鬼又勁好戲，同李連杰既溫情交流拍得好細膩，正！好睇過早前李o個幾出西片好多好多！

睇完戲黎企屋補習。

補完又再出旺角睇過，係睇《天國嬌雄》，男主角依舊型靚仔，女主角就麻麻地，d短兵相接o既場面都唔錯，大玩投石機，但男主角守場part 好正，又淋油又拉跌投石器，好緊張。

兩日內睇左三出戲，我o係度做得評分：
- 星戰III = 7
- 不死狗 = 9
- 天國嬌雄 = 8.5

十字軍借神o既名義侵略人地，唉，真係唔要得...... anyway，都係佛教最和諧。

「在歷史上佛教未曾發動過任何宗教戰爭，它也沒有「聖戰」或「義戰」的概念。佛教本質上是反戰的。」

睇完戲八點半，約左小學黃同學食飯，大家一味吹水。

我始終係愛吹水。請大家得閒就撩我吹水吧。